【我們都要把自己照顧好】
抗爭同生活，真係密不可分
我哋要學識喺日常生活中抗爭，
改變生活習慣，罷買罷鐵、支持同路人⋯
更加要學識喺抗爭中繼續正常生活，
該休息時休息，該玩樂時玩樂，該放下時放下
我哋必須先好好生活，維持到情緒同身體健康狀態
先可以進行漫長而折磨嘅長期抗爭。
//
成個九月我嘅情緒都fucked up。
831後我同媽接近零交談，
然後見到好親好親嘅兩個親戚支持何妖，
然後身邊有幾個立場不同嘅好好朋友，
然後就同大家一樣，對於今日香港相當無力⋯
上兩星期有好多個晚上我都係瞓唔著，
每晚瞓喺床上我都諗好多好負面嘅事情，
而其中一樣係我好相信有好多野已經番唔到轉頭
尤其係人與人之間嘅關係。
嗰啲喺何妖post下留言講「加油」「支持」
喺華記正能量到話「多謝正能量」嘅親戚，
我諗呢世我都無辦法再用以前嘅眼光去看待。
至於我媽，我都依然無辦法處理呢種複雜情緒同關係
有時我發現人生好多野唔係一句「let it go」情緒就會let go
內心嘅矛盾係會不停刺痛你，提醒你需要關注一下佢哋
於是我有一種人生因此而被狠狠fucked up嘅感覺。
因為情緒太糟糕，生活繼而都被拖跨
對生活失去熱情，同所有事物提不起勁係非常可怕嘅情況
我相信有好多朋友都同我一樣，情緒overloaded
喺社會進行抗爭之前，原來最需要抗爭嘅係自己情緒。
好好生活，好好食飯，好好玩樂，好好約會
我們都必須要把自己照顧好，先可以再一齊抗爭。
從日常生活中抗爭，從抗爭中維持生活
這是2019香港人該學習的事；）
IG：@hkgirlfriend
Search